2016-2017 оқу жылы мамыр айының 25-сі күні Тауағаш орта мектебінің 11-сынып оқушылары Соңғы қоңырау мерекесін өткізді. «Қош бол, алтын ұя, мектебім!» тақырыбында өткен кешке ауыл шаруашылығы бөлімінің басшысы міндетін атқарушы Түменбаев Ермек Тілеуович, спасовка селолық округінің әкімі Некибаев Сарқыт Батпасович және түлектердің алғашқы ұстазы Есимсейтова Үмітжан Әлмағанбетовна қонақ ретінде қатысты. Сонымен қатар мектеп ұстаздары, осы сыныпқа сабақ беретін пән мұғалімдері қатысты. Мектеп түлектері республикалық «Мектепке кітап» сыйла акциясына қатысып өз мектептеріне «Қазақтың ұлттық салт дәстүрлері» атты кітап сыйлады. Қатысушылардың пікірінше соңғы қоңырау кеші мазмұнды, талаптарға сай, ұстаз бен оқушылардың шығармашылығы үйлесімді орын тауып, тартымды өтті. Қатысушылар 11-сынып жетекшісі Тулебаева Самал Ахмоллаевна мен 11-сынып оқушыларын құттықтап, алғыстарын айтты.
Жаңалықты мекеменің сайтында қарау
