Білім және ғылым министрлігінің балалар құқығын қорғау комитетінің жариялауымен 4-13 қазан 2017 жылғы Халықаралық қыздар күніне арналған республикалық декада жарияланып, барлық жерлерде өтуге тиісті болатын. Декаданың басты мақсаты - қыздар құқығының іске асуы, яғни білім алу, денсаулық сақтау, зорлық-зомбылықтан қорғану, ерте және мәжбүрлік некелерден сақтау. Соған байланысты мектебімізде 4-13 қазан аралығында «Қыз – өмірдің гүлі» атты декада болып өтті. Іс-шара кезінде медбикемен кездесу, жеке әңгімелер, консультациялық көмектер, психологиялық кеңестер, түрлі тақырыптарға дөңгелек үстел, тренинг, сұхбат,т.б өткізілді. Бұл іс-шараларды мектебіміздің жас қызметкері Жанабекова Акерке Болатқызы тәрбие ісінің меңгерушісі Сагандыкова Жанар Серікқызының басшылығымен өткізді. Қыздарға ұнағаны 11 қазан күні өткен «Қыздар клубы» отырысы болды. Онда «Ерте тұрмысқа шығудың зияны» тақырыбында дөңгелек үстел өтті. Бұнда неліктен «Қыздар күні» бүкіл әлемде аталып өту тарихына тоқталып, негізгі тақырып бойынша бейнеролик, презентациялар көрсетілді. Өткізілген іс-шаралар жайлы аудандық «Есіл таңы» газетіне жарияланды. Бұндай іс-шаралар өскелең ұрпаққа көп өнеге деп білеміз.
Өткізді: «Қыздар клубының» жетекшісі
Жанабекова А.Б.
Жаңалықты мекеменің сайтында қарау
