1 қыркүйек – тек жаңа оқу жылының басталуы емес, сонымен қатар достардың жылы жүзді кездесуі, үлкендер мен балалардың қызыққа толы ерекше мереке күні. Бұл таңғажайып білім әлеміне саяхат. Бірінші сынып оқушылары үшін алғашқы қоңырау үні оларды қызыққа толы асуларға жетелейтін таңғажайып қадам. Түлектер үшін – өмірлік таңдау жасайтын кез болса, ұстаздар үшін – шығармашылық табысқа жаңа қадам.
Жанымызды жадыратарлық алтын күздің бірінші айында оқушылар «Білім күні» мерекесіне А. Шәжімбаев атындағы Явленка №3 орта мектебіне жиналды. Білім ордасы қайтадан балғын бүлдіршіндердің думанды базарына айналды. 02. 09. 2017 жылы Білім күніне арналған салтанатты мереке болып өтті. Мерекеге мектеп әкімшілігі, сынып жетекшілері, ата – аналар, 1-11 сынып оқушылары және қонақтар қатысты. 1 сынып оқушылары өздерінің дайындаған өлең, тақпақ, билерімен таң қалдырды. Мерекенің соңы дәстүрлі «Алғашқы қоңырау соғу» рәсімімен аяқталды.
